السلام عليكم
ثلاثة جزايرين حرقو جنوب افريقيا باش من تم يحكموبابور
يعطوها استراليا قاتلهم التشويمير( الزلط للركابي). حكمهم الجوع
دار فيهم الشطلي يطلي (الفي )
تفاهمو على خطة وراحو لوحد المطعم وكل واحد حكم بلاصة وحدو وكلها و واش طلب غير الماكلة الله الله
وكي كمل الاول جا خارج حكمو الغارسون و قاله واش انت ما تخلصش قاله واش يا صاحبي نخلص زوج مرات
قاله الغارسون و علاه انت خلصت ديجا قاله ايه و اذا راك مكذبني سقسي هذاك الي راه قاعد لهيه على صاحبو الزاوج
راحو لعند هذاك الزاوج وسقساه الغارسون : بصح هذا خلصني قاله :ايه منين كنت انا نخلص فيك خلصك هو
هبل هذاك الغارسون (باين عليه دعوة الوالدين) وقاللهم واش تكذبو عليا قالوله سقسي هذاك على صاحبهم الثالث
و كي راحو لعند الثالث وسقساوه قاللهم وأنا واش دخلني اعطيني صرفي (الباقي)وخليني نعطيها
صحا رمضانكم
وكل عام وانتو بخير
