هاد الحلوة كتعجبني بزاف و في اي مناسبه كنصاوبها ..تجي هشيشة وبنينة
المقادير
500 غ جنجلان محمر ومهرفش
500 غ لوزمحمر ومهرفش
500غ زبدة
كاسان سكر كلاصي
كاس زيت
خمارة واحدة
4 معالق ماء الزهر
نصف ملعقة قرفة
شوية كوزة
الطحين حسب الحاجة
السكر للتفنيد
الطريقة
نحك الزبدة مع السكر والزيت ونضيف كل المقادير كالعادة بالتدريج حتى
الحصول على عجينة متماسكة ...نكرسها بالدلاك او براحة اليد ونعمل منها
مثلثات على هدا الشكل
بعد نضجها نفندها في السكر كلاصي ..
هاد المقدار كيخرج صحن كبير عامر
ها واحد الصورة
قريب نحرقها ياك ....؟؟ما تخافوش راه سكر كلاصي غدي يستر الدعوة ..اوا حظيو الفران راه دغيا يطيب
هانتوما الصورة
ها هو المرشم لي استعملت في التقطاع ديالو ......
اوا كي جاتكم الحلوة عجباتكم ياك
