اسرع حصان في العالم
مزرعة
جميلة فى أطراف المدينة هى المكان اللى قصتنا بتدور فيها …. ((( برق )))
هو واحد من الأحصنة اللى عايشة فى المزرعة دى ، هو مش أجمل حصان و لا أسرع
حصان و لا حتى أقوى حصان يعنى زى ما بيقولوا هو حصان عادى جدا جدا جدا
مفهوش حاجة مميزة الا حاجة واحدة تقدروا تقوله انها مميزة فيها و هى انه
نفسه يبقى حاجة كبيرة اوى فى المزرعة و علشان كده ده كان بيخليه يعيش فى
نوع من التفكير الدائم و اللى أحيانا كانت بتأثر فى علاقته مع باقى الاحصنة
اللى فى المزرعة
فى
يوم خرج ((( برق ))) الصبح بدرى و فضل يتمشى فى المزرعة لحد ما وصل
للبحيرة اللى موجودة هناك و بص حواليه يمين و شمال ملاقاش حد موجود فقال
كويس تبقى فرصه علشان امارس هوايتى المفضلة و هى التفكير و بالفعل راح
للشجرة اللى جنبه و قعد تحتيها و بدأ يفكر فى أحواله و فى حياته و فى
مشاكله
و
بدأت الاحداث اللى فى حياته تمر عليه زى شريط السينما و بدأ يدخل فى سرحان
التفكير … اصل (( برق )) عنده مشكله كبيره فى حياته و بيعتبرها من أكتر
الحاجات اللى بتسببله الم و وجع ، المشكلة دى بإختصار إنه شايف نفسه جواه
حاجة كبيرة اوى و لكن للاسف حاسس ان الحاجة دى الحصنة اللى معاه فى المزرعة
مش شايقنها زى ما هو شايفها … شايف نفسى سريع و قوى و ذكى و شايف نفسه انه
حاجة كبيرة اوى بس كان نفسه يحس الشعور ده فى عيون باقى الحصنة اللى معاه
فى المزرعة مش لانه عنده ضعف فى ثقته بنفسه بالعكس و لكن احساسه إن اللى
حواليه بيبادلوه بالتقدير و الاعجاب شعور جميل اوى و هو للاسف محسوش قبل
كده فعلشان كده يمكن هو حيموت و يحسه و يشوفه فى عيوتهم
من
الافكار اللى دايما بتيجى ل(((برق ))) لما بيفكر هو ازاى كان بيمر بلحظات
فشل فى حياته فى المزرعة و قد ايه كان بيلاقى نفسه مش عارف يجرى يروح فين
مهو محبوس فى المزرعة و مش عارف يطلع منه بس هو كان نفسه يهرب على فين مكنش
عارف بالظبط … بس كان نفسه يروح لمكان مفهوش احصنة وحشة ، مفهاش حد يكون
كل هدفه انه يدور على نقاط ضعفه و ييستغلها و يهاجمه من خلالها … كان نفسه
يبعد عن الحصنة اللى بيلاقيها بتعامله بمنتهى الحنيه و الحب و الاخوة و
بتلعب معاه ف المزرعة وبعد كده يعرف انهم اول ناس بيطعنوه فى ظهره و انهم
اول ناس بيتخلو عنه فى الوقت اللى بيكون محتاجهم فيهه
اه
صحيح نسيت اقولكم ان صاحب المزرعة بعمل تدريب مستمر للحصنة علشان يدربهم و
يخليهم على مستوى عالى جدا خصوصا ان كل شهر بيبقى فيه مسابقة كبيرة ما بين
المزارع و المزرعة اللى بتفوز بيتاخد جايزة كبيرة اوى و بالتالى فالدورات
دى كان ((( برق ))) متعود عليها من ساعة ما كان لسه صغير … و كان بيعمل
فيها مجهود بيلاقى اغلب اللى حواليه بيهنوه على المستوى اللى بيرتفع من كل
مرة للتانية و بييجى اليوم اللى صاحب المزرعة حيعلن فيها مين احسن حصان فى
الدورة دى فيغمض ((( برق))) عنيه و يتخيل نفسه و هو اسمه بيرن فى المزرعة
كلها و كل الحصنة اللى حواليه بيهنوه و فرحانيين علشانه و بيتخيل نفسه و هو
طالع يستلم ال
من صاحب المزرعة …. و اول ما ((( برق ))) يفتح عنيه يسمع اسم حصان تانى هو اللى فاز باحسن حصان و تتبخر كل الاحداث اللى
اتحيلها فى دماغه من لحظات
و
تستمر الاحداث فى اللحظات اللى ((( برق ))) بيعتبرها من اغلى لحظات حياته و
تعدى اللحظة ورا التانية ورا العاشرة و يوصل ((( برق ))) و يتحيل نفسه فى
يوم من الايام و هو احسن و اسرع و اجمل حصان و يشوف ازاى باقى الحصنة
بيجيبه اولادهم لحد عنده علشان يحكيلهم ازاى وصل للمستوى اللى هو فيه ده و
ازاى قدر يبقى حاجة كبيرة اوى كده و يشوف اللى حواليه و هما فى منتهى
السعادة و بيطالوه ان يكمل كلام و ش عايزينه يوقف …. يااااااه ((( برق )))
بيبقى ساعتها فى منتهى السعادة اللى ف الدنيا
فتح
((( برق ))) عنينه فى اللحظة دى و بص للبحيرة اللى قدامه و هو حاسس ان
الدنيا كلها وقفت و انه هو الحاجة الوحيدة اللى بتتحرك ، حس انها طاير من
السعادة و الفرحة ، حس انه ملك الدنيا ف ايده … و كأنها اللحظة اللى وقف
فيها الزمن و كل حاجة مشت زى ما هو عايز … ((( برق ))) أخذ نفس عميق و غمض
عنينه علشان يرجع للطيران فى بحر الخيال .. و بالفعل بدأت الاحداث و
الافكار تجرى فى عقله من جديد